ஓரிதழ் தாமரை என்ற புருஷ ரத்தினம்

ஓரிதழ் தாமரை என்ற புருஷ ரத்தினம் 

படத்தில் நீங்கள் பார்த்துக்கொண்டிருக்கும் மூலிகையின் பெயர் ஓரிதழ்தாமரை இதற்க்கு ரத்தினபுருஸ், சூரியகாந்தி என்று பல பெயர்கள் உள்ளது. ஒரே ஒரு அழகிய பன்னீர்பூ நிறத்தில் பூ உள்ளது இதனாலேயே இதற்க்கு ஓரிதழ் தாமரை என்று பெயர் பெற்றிருக்கிறது. இதைப்பற்றி பல அனுபவ வைத்தியர்கள் (PIONEERS OF SIDHA MEDICINE SYSTEM) கூறியதையும் சித்தர்களின் பாடல்களின் குறிப்புகளையும் வைத்து ஆதாரங்களுடன் இந்த பதிவை தருகிறேன் 

(ADULTS ONLY - ஓரிதழ் தாமரை SUPERIOR APHRODISIAC DRUG)

மூலிகை மணி கண்ணப்பரின் பதிவுகள் 

தாமரை என்ற பெயரைக் கண்டதும் இது நீரில் முளைக்கும் தாமரை தானோ? என்று நினைத்து விடாதீர்கள்! நீரில் மிதக்கும் தாமரை வேறு இந்த ஓரிதழ்தாமரை வேறு. இங்கு குறிப்பிடப்பட்ட தாமரை சிறு செடியினத்தைச் சார்ந்தது. கீழாநெல்லி, குப்பைமேனி, தும்பை செடிகளைப் போலவே மழை, பனி காலங்களில் வயல் வெளி, சதுப்பு நிலங்கள் அறுவடை செய்து விட்ட கரம்பு நிலங்களில் தன்னிச்சையாக வளரும். 

          

இந்த ஓரிதழ் தாமரைக்கு ரத்னபுருஸ் என்ற பெயரும் உண்டு. யுனானி வைத்தியர்களுக்கு ரத்னபுருஸ் என்று சொன்னால் தான் விளங்கும். இந்த ரத்னபுருஸ் ஏறக்குறைய 6 முதல் 9 அங்குலம் உயரம் வரையில் வளரும். இதன் இலைகள் தும்பை இலைகள் போலவே நீளமான இலைகளை உடையது. இலை கணுவிடம் ஒரு சிறிய இலையும், ஒரு பூ அரும்பு விடும். இந்த அரும்பு மலர்ந்து ஒரே இதழ் சுமார் மொச்சை பருப்பளவு விரிந்து தும்பை மலர் போல் கீழ்நோக்கி இருக்கும் பூவின் நிறம் ரோஜா நிறத்தை உடையது. பார்வைக்கு மிக அழகாக இருக்கும். இதழ் வாடி உதிந்ததும் காய் சுமார் ஒரு மிளகளவு பச்சை நிறமாக இருக்கும். காய் உதிர்ந்ததும் விதையாகி தன்னிச்சையாகவே இனத்தைப் பெருக்கிக்கொள்கிறது. இதுவே ஓரிதழ் தாமரையின் வளரியல்பு.            

யுனானி வைத்தியர்கள் இதனை வெகுவாக புகழ்ந்து பேசுவார்கள். "பாப் காயா சோ பேட்டா துரூஸ் ஓங்கா" என்பது யுனானி வைத்திய பழமொழி இதன் பொருள் யாதெனில் காளை வயதில் கட்டுக்கடங்காமல் காம நினைவுகளால் உடம்பைக் கெடுத்துக் கொண்ட பையனை "ரத்னபுருஸ்" மூலிகை கல்யாணத்துக்கு தகுதி உடையவனாக்கி வைக்கும் என்பதாம். எனவே இளம் வயதில் கிழட்டுத்தனம் ஆகிவிட்ட வாலிபர்களுக்கு எல்லாம் "ரத்னபுருஸ்" என்ற அறிய மூலிகை இயற்கை அன்னையால் அளிக்கப்பட்ட ஓர் வரப்பிரசாதம் என்றே கூறிவிடலாம்.

இது ஆண் பெண் என்ற இருபாலருடைய தாதுக்களையும் (TESTOSTERONE AND PROGESTERONE) வளர்க்கும் குணமுடையது. 

இந்த சிறு செடியின் வேர், இலை, காய், பூ யாவும் மருத்துவ பயனுடையதே. இதன் இலையை வாயிலிட்டு சுவைக்க குழகுழப்பாக இருக்கும். இந்த மூலிகையை தனித்தும் சாப்பிடலாம் மற்றும் பல மூலிகைகளுடன் கலந்தும் சாப்பிடலாம் (பாலில் சாப்பிடுவது சிறந்தது). பொதுவாக மேக ரோக நோய்களான தாது கெட்டிருத்தல், அதிமூத்திரம், வெட்டை சூடு, மேக வெட்டை, வெள்ளை வீழ்தல், மூத்திர தாரைகளில் எரிச்சல் முதலியவற்றைப் போக்கி உடலை பலப்படுத்தும். சிற்றின்ப பலவீனங்களை போக்கி தம்பதிகளின் உறவை பலப்படுத்துவதில் ஓரிதழ்தாமரை சிறந்த நண்பன்.

இதைப்பற்றி விளையாட்டுச் சித்தர் இப்படி கூறுவார்            

"காளை வயதில் கெட்டவனும்
          ஓரிதழ் தாமரை கண்டுண்ண
நாளைக்கே செய் மணம் என்பான்
          நலிந்தோர்க்கெல்லாம் நண்பனடா"

இலையை மட்டும் நாள்தோறும் அதிகாலையில் எடுத்து நீரில் அலசி சிறிதளவு வாயிலிட்டு நன்றாக மென்று தின்று பசும்பால் குடிக்க வேண்டும். இந்த சிகிச்சையை சூரிய உதயத்திற்க்கு முன்னதாக செய்தல் வேண்டும் என்பது சித்த மருத்துவ விதியாகும். இங்கனம் 25 முதல் 48 நாள் வரை அதற்கும் மேலும் தொடர்ந்து செய்து வரலாம். இதன் விசேஷ குணம் யாதெனில் வாலிப வயதிர்ற்கு முன்பே பல ஆண் பிள்ளைகள் பிஞ்சிலே பழுத்த பழங்களாகி இன்ப உணர்ச்சிகளுக்கு ஆளாகி கண்களையும் கருத்தையும் (PORNOGRAPHY - TEENAGE PROBLEMS) பறிகொடுத்து தனிமையில் இருக்கும் போதும் இரவில் படுக்கையில் புரளும் போதும் இக்குறிப்பிட்ட நினைவுகளால் சுய இன்ப (MASTRUBATION - நபும்சகம் என்ற அலித்தன்மை) பழக்கங்களுக்கு ஆளாகிறார்கள், இந்த வினையால் கண்கள் குழிவிழுந்து, கன்னங்கள் ஒட்டிப்போய் ஜீவ களையற்று பிரேத முகமும் எதையோ பறிகொடுத்தவன் போன்று மனதளவிலும், உடலளவிலும் பெரிதும் பாதிக்கப்படுகிறார்கள். பின் இச்செயல்களை விட்டால் கூட இதன் பின் விளைவுகள் பல ஆபத்தை விளைவிக்கின்றன. வெள்ளை படுதல், சொப்பன ஸ்கலிதம், உடல் மனம் பலவீனம், தேஜஸ் உடலொளி குறைதல், LACK OF CONFIDENCE AND VITAL FORCE என்ற பல வழிகளில் பாதிப்படைகிறான். இந்த குறிகள் அனைத்திற்கும் ஏற்றதொரு மூலிகை இரத்தின புரூஸ் என்ற ஓரிதழ்தாமரை. தமிழகத்தில் அனைத்து பகுதிகளிலும் இயற்கையாக விளைகிறது. 

   
தாதுவை பலப்படுத்தி உடல் உறுப்புகளை வலுப்பெறச் செய்து இழந்த வீரிய சக்தியை மீண்டும் உண்டாகச் செய்து முகப்பொலிவையும், அழகையும் தரும். இம்மூலிகையை பயன்படுத்தும் போது மனக்கட்டுப்பாடும் வைராக்கியமும், தெய்வ சிந்தனை வழிபாடுகளில் மனதை ஈடுபடுத்தி கொள்வது தான் செய்த தீய வினைகளுக்கு பிராயச்சித்தம் போலாவதுடன் மீண்டும் மட்டகரமான உணர்வுகளை தட்டி எழுப்பாமல் ஒழுக்கமான இல்லற வாழ்க்கைக்கு ஏற்றவனாக்கிக் கொள்ளலாம். இந்த மூலிகை பசுமையாக தினம் தோறும் கிடைக்க வழி இல்லாதவர்கள் மொத்தமாக சேகரித்து நிழலில் உலர்த்தி இடித்து தூள் செய்து தினம் இருவேளை பசும்பாலுடன் உட்கொண்டு பலன் பெறலாம்.

அகத்தியர் 

"தாதுவை உண்டாக்கும் தனிமேகம் தொலைக்கும் ஆதரவாம் மேனிக்கு அழகு தரும் சீதம்போம்சீரிதல் தாமரை வாழ் செய்ய மடவனமே ஓரிதழ் தாமரையை உண்"   

  இதைப்பற்றி இன்னும் பல விஷயங்களை எழுத முடியும் ஆனால் காலதாமதம் ஆகும் என இத்துடன் முடிக்கிறேன். இது தன் வளரும் இடத்தை பொறுத்து பல வகைப்படும். அதன் பூ பல நிறங்களிலும் உள்ளது. ஆனால் தமிழகம் முழுவதும் ரோஸ் நிறத்திலும், ஊதா நிறத்திலும், சிகப்பு நிறத்திலுமான ஓரிதழ்தாமரை எங்கும் வளர்கிறது. என்ன VIEWERS ஓரிதல்தாமரையை தேட ஆரம்பிச்சிட்டீங்களா......... இதன் பலன் பெற என் வாழ்த்துக்கள் .... நன்றி விரைவில் மீண்டும் சந்திப்போம்    

நம் BLOG - ல் இதை போன்ற பதிவுகளை ஆபாச பதிவுகளாக எடுத்துக்கொள்ளாமல் AWARENESS பதிவுகளாக எடுத்துக்கொள்ளுங்கள் VIEWERS...................