கோளும் நாளும் PART - IV

கோளும் நாளும் 

பகுதி - 4

நம்மிடம் உள்ள துணிகளில் சில துணிகள் மிகவும் அதிர்ஷ்டமானது அல்லது சில துணிகள் துரதிர்ஷ்டம் ஆனது. அதாவது  அதிர்ஷ்டமான துணிகளை அணியும் போது நமக்குப் பிடித்த நிகழ்வுகளும், ஆதாயமும் கிடைக்கலாம், துரதிர்ஷ்டமான துணிகளை அணியும் போது அந்நாள் முழுவதும் வேலைப்பளு, தலைவலி, சண்டை சச்சரவுகள், கடுப்பு என பல நிகழ்வுகளை ஏற்படுத்தலாம். அப்படி ஏதேனும் நீங்கள் உணர்ந்ததுண்டா ?   நான் பலமுறை இதை அனுபவித்துள்ளேன். காரணம் என்னவாக இருக்கும். 

அதே போல் ஒருசில துணிகளை அடிக்கடி அணிய பிடிக்கும் காரணம் ஏதுவாகவேணாலும் ( FITNESS, COLOR ETC ) இருக்கலாம். ஒரு சில துணிகளை வாங்கியதோடு ஒருமுறை அணிந்திருப்போம் மீண்டும் அணிய பிடிக்காது. இதற்க்கு ஜோதிட சாத்திரத்தில் சில காரணக்களை முன்வைக்கிறார்கள். அவைகள் உண்மைதானா என அனுபவத்தில் உணர்ந்து பார்த்தால் மட்டுமே உண்மை தெரியும்.      

புத்தாடை எடுத்தால் பிறந்தநாள், தீபாவளி, பொங்கல், திருமண விழா, கிறிஸ்துமஸ், ரம்ஜான் அல்லது வேறு ஏதேனும் ஒரு நிகழ்சிக்காக எடுப்போம். எந்த நாள் புத்தாடை எடுக்கலாம் அல்லது எந்த நாளில் அந்த ஆடையை முதலில் அணியலாம் என்று ஜோதிட சாத்திரங்களில் ஒரு வரைமுறை உள்ளது. இந்த பதிவில் அதைத்தான் பார்க்கப் போகிறோம்.

  

இரண்டு நூல்களில் புத்தாடை அணிய சரியான நாள்கள் எது என்று குறிப்பிடப்பட்டுள்ளது. ஜோதிட கணிதாமிர்தத்தில் உள்ளது :

"காரியில் அழுக்கதாகும் கதிரவர் பீடை காட்டும் 

மாரியில் நனையுந் திங்கள் வன்புதன் கந்தையாகும் 

வீரியமில்லை செவ்வாய் வெள்ளியில் மடந்தை சேர்வாள் 

கூறிய வியாழன் நன்றாம் குலவிய ஆடை சாத்தே"  

பொருள் : 

ஞாயிறு - பீடையாகும் 

திங்கள் - மழையில் நனையும், அடிக்கடி ஈரத்தில் நனையும் 

செவ்வாய் - வீரியம் போம் (தைரியத்தை குறைக்கும்)

புதன் - சீக்கிரம் துணி கந்தல் துணியாக மாறும் 

வியாழன் - நன்மை 

வெள்ளி - பெண் சேர்வாள் (நன்மை)

சனிக்கிழமை - துணி எப்பொழுதும் அழுக்காகும் 

மேற்கண்ட கருத்தை ஒட்டியே அறப்பளீஸ்வர சதகம் என்ற நூல் சொல்வனவற்றைப் பார்ப்போம். அறப்பளீஸ்வரர் (ஈஸ்வரர்) கோவில் கொல்லிமலையில் உள்ளது. 

"புத்தாடை ஒளிசேரும் ஆதிவாரம் தனில் கட்டலாம் 

          புதிய சீலை 

கலைமதிக்கு ஆகாது பலகாலும் மலையினில் கடிது நனைந்து 

          ஒழிவு தரும் 

குறைபடாது இடர் வரும் வீரியம் போம் அரிய 

          குருதி வாரம் தனக்கு

கொஞ்ச நாளிற் கிழியும் வெற்றிபோம் புந்தியினில்  

          குரு வாரம் மதில் அணிந்தால் 

மறைபடா அழகு உண்டு மேன்மேலும் நல்லாடை 

          வரும் இனிய சுக்கிரற்க்கோ  

வாழ்வுண்டு திருவுண்டு பொல்லாத சனிக்கிழமை 

          வாழ்வு போம் மரணம் உண்டாம் 

அறைகின்ற வேதாகமத்தின் வடிவாய் விளங்கு 

          அமலனே அருமை மதவேள் 

அனுதினமும் மனதில் நினைதருசதுர கிரிவளர்

          அறப்பளீஸ்வர தேவனே  " 

பொருள் : 

ஞாயிறு - ஒளி சேரும் (தேஜஸ் உண்டாகும்) 

திங்கள் - மழையில் நனையும், அடிக்கடி ஈரத்தில் நனையும் 

செவ்வாய் - வீரியம் போம் (தைரியத்தை குறைக்கும்)

புதன் - செய்யும் காரியம் தோல்வியாக மாறும் 

வியாழன் - அழகு உண்டாகும், மேன்மேலும் புதிய ஆடை சேரும்   

வெள்ளி - நன்மை உண்டு, செல்வம் உண்டு  

சனிக்கிழமை - துக்கமும் மரணமும் உண்டு  

மேற்கண்ட இரண்டு நூல்களையும் ஆராய்ந்தால் திங்கள், செவ்வாய், புதன், சனிக்கிழமை ஆகிய நான்கு நாட்களும் ஒரு புத்தாடையை வாங்கவோ முதலில் அணியவோ சாத்திர ரீதியாக குற்றம் என்று கூறப்பட்டுள்ளது. எனவே இத்தினங்களை ஒதுக்கிக் கொள்வது சிறந்தது.

உதாரணமாக ஒருவருக்கு செவ்வாய் கிழமை பிறந்த தினமாக கொண்டால் அன்று புத்தாடை அணிய வேண்டுமே இது சாத்திர ரீதியாக எதிரானதே என்று முகம் சுழிக்க அவசியம் ஏதும் இல்லை. பிறந்த நாள் வரும் நாளுக்கு முன்பே வியாழன் அல்லது வெள்ளி கிழமைகளில் ஒருநாளில் புது துணியை வாங்கி அதை அந்த நாளிலேயே ஐந்து நிமிடங்கள் மட்டும் அணிந்திருந்து எடுத்துவைத்துக் கொள்ளலாம், பின் தன் பிறந்ததினம் செவ்வாய் அன்று முழுவதும் அணிந்து கொள்ளலாம்.      

இரண்டு நூல்களிலும் வியாழன், வெள்ளி புத்தாடை வாங்கவும், அணிந்துகொள்ளவும் உத்தமம் என்றுள்ளது. ஆனால் இரண்டு நூல்களையும் COMPARE செய்கையில் ஞாயிறு பேதப்பட்டுள்ளது. ஞாயிறு புத்தாடை அணிய ஒரு நூலில் நன்மை எனவும் மற்றொரு நூலில் தீமை எனவும் உள்ளது. இதைப்போலவே இத்தினமும் புத்தாடை அணிபவர்களுக்கு ஒருசிலருக்கு அனுகூலமாகவும் ஒரு சிலருக்கு பாதகமாகவும் அமையும் எனக்கொள்ளவேண்டும்.        

கோளும் நாளும் இன்றைய பதிவும் உங்களுக்கு உபயோகமாக இருக்கும் என நம்புகிறேன். அடுத்த பதிவுடன் கோளும் நாளும் கட்டுரை முடிவடைகிறது. அடுத்த பதிவில் மிகவும் அரிதான ஒரு சாத்திரத்தை உங்களுடன் பகிர்ந்து கொள்வதை எண்ணி இப்போதே மகிழ்கிறேன். கோளும் நாளும் பகுதி ஐந்து மிகவிரைவில்.  

   

இந்த கோளும் நாளும் தொடர் உங்கள் மனதில் எத்தகைய தாக்கத்தை ஏற்படுத்தியது என்று அறிய ஆசை, இவை உபயோகமாக இருந்ததா? அல்லது பகுத்தறிவுக்கு அப்பார்பட்டதாக ஏற்றுக்கொள்ளமுடியாததாக இருந்ததா என்பதை தெரியப்படுத்த விரும்பினால் COMMEND இல் தெரியப்படுத்தவும்.  

எந்த ஒரு கண்டுபிடிப்பும் PROVE செய்ய வேண்டும். நம் முன்னோர்களின் கண்டுபிடிப்புகள் அனைத்தும் PROVE செய்த இடம் செல்லரித்த ஓலைச் சுவடிகள் (ANTIQUE OLA MANUSCRIPTS ). 

"யான்பெற்ற இன்பம் பெறுக இவ்வையகம்

வான்பற்றி நின்று மறைபொருள் சொல்லிடின் 

ஊன்பற்றி நின்ற உணர்வுறும் மந்திரம் 

தான் பற்ற பற்ற தலைப்படும் தானே"

                                                                          -- திருமந்திரம் 

கோளும் நாளும் PART - III

கோளும் நாளும் 

பகுதி - 3 

இந்த பகுதியில் சவரம் எனப்படும் முடி திருத்தம் அல்லது சிகை திருத்தம் என்ற விஷயத்தைப் பற்றி ஆராய்வோம். ஜோதிடத்தில் உடலில் உள்ள முடிகளுக்கு காரகன் சுக்கிரன் (VENUS) என்று கேள்விப்பட்டிருக்கிறேன் ஆனால் அதற்க்கு ஆதாரத்தைக் கண்டதில்லை. பொதுவாக விடுமுறை நாள்களில் அல்லது அளவுக்கு மீறி முடி அல்லது தாடி வந்தால் தான் நாம் சிகையை திருத்தம் செய்வோம். ஆனால் சாஸ்திரத்தில் அதற்குக் கூட கால நேரம் கூறியிருக்கிறார்கள். காரணம் உரோமம் என்பது மனிதனைக் காக்கும் ஒரு LAYER ஆகும். இந்த சிகை திருத்தத்திற்க்கும் கோள்களுக்கும் ஏதோ ஒரு சம்பந்தம் உண்டு. 

    

என் மாணவர்களுக்கு ANTI-STATIC FINISH AND UV RESISTANCE FINISH என்ற பாடம் நடத்துகையில் ஒவ்வொரு முறையும் இந்த உரோமங்களின் காரணத்தையும், மனித தேகத்தில் கடவுள் உரோமத்தை உண்டாக்கியதின் நோக்கத்தையும் கூறுவதுண்டு. HUMAN HAIR ஒரு குறை மின்கடத்தி  புறஊதா கதிர்களிடம் இருந்தும், MINUTE FREE ELECTRONS இடம் இருந்தும் மனிதனை பாதுகாக்கின்றன. மனிதனின் தோலில் உள்ள அடுக்குகள் (SKIN LAYERS) ஆங்கில உடல்தத்துவ முறைப்படி மூன்றாகவும், ஆயுர்வேத முறைப்படி ஏழாகவும் பிரிக்கப்பட்டுள்ளது.  

மனித உடலில் உள்ள வியர்வை துவாரங்களின் எண்ணிக்கை மூன்று கோடி, இந்த துவாரங்கள் பெரும்பாலும் ஈரப்பதத்துடன் தான் இருக்கும் இதன் வழியாக FREE ELECTRONS எளிதாக நுழைய முடியும். அவ்வாறு ELECTRONS மனித தேகத்திற்குள் நுழைந்தால் என்ன ஆகும். மரபணுவில்(DNA) மாற்றம் அல்லது பாதிப்பு ஏற்படும்.  CANCER என்ற வளர்ச்சிதை மாற்றம் ஆன திசுக்கள் பெரிதாக வளர்கிறது (கட்டிகள்). எனவே CANCER அதிகமாக மனிதனை தாக்குவதற்க்கு இதுவும் ஒரு காரணம். FOREIGNERS பெரும்பாலும் WAXING என்ற முறை மூலம் உடலில் உள்ள அனைத்து உரோமங்களையும் நீக்கிவிடுகின்றனர் இதுவே இவர்களுக்கு எமனாக மாறுகிறது, இவர்களுக்குத்தான் புற்று நோய் அபாயம் அதிகமாக உள்ளது. இதற்க்கு முக்கிய காரணம் மனிதனின் ஒரு PROTECTION LAYER ஆன உரோமங்களை முழுவதுமாக நீக்குதல். 

சூரிய ஒளியில் இருந்துவரும் புறஊதா கதிர்கள் (MINUTE ELECTRONS) அல்லது வேலை செய்யும் இடத்தில் உள்ள உபகரணங்களில் உருவாகும் EMF (UNSEEN FREE ELECTRONS) போன்றவற்றை நம் உரோமம் வாங்கிக்கொண்டு நம் BODY LAYER க்குள் நுழைய விடுவதில்லை. முடி ஒரு POOR CONDUCTOR என்பதால் அவை  ELECTRONSஐ SCATTER செய்கிறது இதனால் மனித உடலில் எந்த பாதிப்பும் ஏற்படுவது இல்லை. எனவே கடவுள் மனித தேகத்தில் காரணத்தோடு தான் உரோமங்களைப் படைத்துள்ளார். ஞானிகளும் UV RAYS, ALPHA BETA KAMA RAYS பற்றி நன்கு அறிவார்கள் ஒரு ஞானியின் பதிவில் கதிர்கள் மனித இனத்திற்கு அபாயம் என்பதை கூறுகிறார்.      

கற்றாலே புவியாலே ககனமத னாலே
கனலாலே புனலாலே கதிராதி யாலே
கூற்றாலே பிணியாலே கொலைக்கருவி யாலே
கோளாலே பிறஇயற்றும் கொடுஞ்செயல்க ளாலே
வேற்றாலே எஞ்ஞான்றும் அழியாதே விளங்கும்
மெய்அளிக்க வேண்டும்என்றேன் விரைந்தளித்தான் எனக்கே
ஏற்றாலே இழிவெனநீர் நினையாதீர் உலநீர்
எந்தைஅருட் பெருஞ்ஜோதி இறைவனைச்சார் வீரே. 

   

இனி சிகை திருத்தத்திற்கு வருவோம். கோளும் நாளும் முதல் பதிவில் நாள்களுக்கான விசேஷம் பற்றி கூறுகையில் "புகர் மயிர் கழிக்க" என்ற வாக்கியம் வரும் அதாவது SHAVING, CUTTING, WAXING செய்ய ஏற்ற நாள் வெள்ளிக்கிழமை என்று, ஆனால் இதிலும் ஒரு குறை இருப்பதாகவும் முடி திருத்திக் கொள்ள ஏற்ற நாள் திங்கள் மற்றும் புதன் கிழமைகள் என்று கைலாசநாதர் சதகம் என்ற நூல் கூறுகிறது.   

சவரம் செய்ய ஏற்ற நாள் 

"சேருமுத்திர நான்கும் பூசபுனர் பூசமுந்

          நிகழு முத் ராட நான்குஞ் 

செய்யமான் றலை உத்திரட்டாதி மூன்றுமாந் 

         திதி தசமி நன்றதாகும் 

மாரிவரு துதிகை திருதிகை யினோடு பஞ்சமி

         வளர்கின்ற சப்தமியுமே 

வகுக்குந் த்ரயோதசி துவாதசி மதி புதன் 

          மயிர் கழித் திடுத நன்றாம் 

பாருலகில் வைகாசி ஆணி ஆவணி கார்த்தி

          கைதைபங் குனி தன்னிலே 

பண்புதரு சவரமது செய்துகொள வேயஷ்ட

          பாக்கியங்கள் மேன்மேலுறுங்

காருலவு சோலையோடு சிகரநெடு மலைகள்சூழ்

          கற்பக விராச மேவுங்

கங்கைபுனை ஈசனே மங்கை மகிழ் நேசனே 

          கைலயங் கிரிவாசனே"

                                                    - கைலாசநாதர் சதகம்

பொருள் :

சவரம் செய்ய ஏற்ற நாள்கள் 

நாள் : திங்கள்கிழமை, புதன்கிழமை  

திதி  : தசமி, துதியை, திருதியை, பஞ்சமி, சப்தமி, திரயோதசி, துவாதசி

நட்சத்திரம் : உத்திரம், பூசம், புனர்பூசம், உத்திராடம், மிருகசீரிடம், உத்திரட்டாதி 

மாதம் : வைகாசி, ஆனி, ஆவணி, கார்த்திகை,தை, பங்குனி               

இந்திந்த நாள்களில் சவரம் செய்ய பாக்கியங்கள் எய்தும் என கூறுகிறார்கள். திங்கள் புதனை முதலாகக் கொண்டு சவரம் செய்யவும். நாள் தான் முக்கியம். 

    

சவரம் செய்ய ஆகாத நாள்

"ஆடி மார்கழி மாசி கன்னி மாதந்தனி 

          லாஞ்செல்வ மது நீங்கிவிடு 

மறுக்கனு யிரழிவாகு மனைவி பொருள் சேதமா 

          மான குரு மான சேதம் 

நாடி வரும் சுக்ர வாரத்துடற் பலவீன 

          நவில் சனிக் கெவையு நாச 

நவமிதன நஷ்டமாஞ் சதுர்த்தி தாய்க் காகாது 

          நற்சஷ்டி பிதுர் சாபமாஞ் 

சாடிவரு சதுர்தசியிற் சோதரர்க் காகாது

          தன் மனைவி போமஷ்டமி 

சாற்று செவ்வாய் நாயி றெண் மதித் தொடமாஞ் 

          சனிகுருவி னுக்கிடரதாங் 

காடுமலை யாவுமகில் சூழுமிட மெனவீறு

         கற்பக விராச மேவுங்

கங்கைபுனை ஈசனே மங்கை மகிழ் நேசனே 

          கைலயங் கிரிவாசனே"

                                                    - கைலாசநாதர் சதகம்

பொருள் :

இந்திந்த நாள்களில் சவரம் செய்தால் இந்திந்த துன்பங்கள் உண்டாகும். 

நாள் : ஞாயிறு - உயிருக்கு அழிவு வரும், மனைவி பொருள் சேதமாகும்;

செவ்வாய் - எண் மதி தோஷம் ?, நாயினேன் ? (பொருள் புரியவில்லை) ;

வியாழன் - மானம் போகும்; 

வெள்ளி - உடல் பலவீனம் ஆகும் (இங்கு ஜோதிட கணிதாமிர்தம் நூலுக்கு பேதமாக உள்ளது, என் கருத்து கைலாசநாதர் சதகத்திற்க்கே முன்மதிப்பு அளிப்பேன்);

சனிக்கிழமை - அனைத்து நலன்களும் நாசமாகும். 

திதி : நவமி - செல்வ நஷ்டம்;

சதுர்த்தி -  தாய்க்கு கேடு வரும்;

சஷ்டி - பிதுர் சாபம்- தந்தை வழி உள்ளவர்கள் சாபம் வரும்;

சதுர்த்தசி  - சோதரர்க்கு ஆகாது (புத்திரர் அல்லது சகோதரர்களுக்கு ஆகாது);

அஷ்டமி - மனைவி உன்னை விட்டு நீங்குவாள்;

    

நட்சத்திரம் : இக்கவியில் நட்சத்திரம் சவரத்திர்ற்கு விலக்காக வரவில்லை. 

மாதம் : ஆடி, மார்கழி, மாசி, புரட்டாசி மாதம் மயிர் கழிக்க செல்வம் நீங்கும்.     

(இந்த கெடு பலன்கள் பொதுவானதால், ஜாதகரின் மற்ற திசை புக்தி ஒப்புநோக்குகையில் சேதங்கள் குறைவாகவும் மிகையாகவும் மாறிமாறி வரும். இந்நேரங்களில் இவை தவிர்க்கவும் என்பது ஒரு சிவனடியாரின் (கைலாசநாதர் சதக ஆசிரியர்) உபதேசம் ஏற்பதும், தவிர்ப்பதும் அவரவர் பக்குவ நிலை)

இந்த சிகை திருத்தம் நம் பாரதத்தில் இல்லற வாசிகளுக்காகவே ஒதுக்கப்பட்டது, ஞானிகளும் யோகிகளும் சவரம் செய்ய மாட்டார்கள். இங்கு கூறப்பட்டுள்ள CRITERIA அனைத்தும் 21th CENTURY மக்களுக்கு SUITABLE ஆனதா என்று சிந்தித்தால் நாத்திகம் பேசுபவர்கள், பகுத்தறிவு பேசும் மக்களிடையே இந்த கருத்துக்களுக்கு கண்டிப்பாக எதிர்ப்பு வரும். காலம் நேரம் கோள்கள் (நவகிரகங்கள்) இவற்றின் மேல் நம்பிக்கை உள்ளவர்கள் இதை ஒதுக்க மாட்டார்கள் என்பது நிச்சயம். சவரம் செய்ய ATLEAST புதன் மற்றும் திங்கள் கிழமையை பின்பற்றுங்கள். இது அனைத்தும் என் கருத்து அல்ல, நம் முன்னோர்கள் நமக்காக விட்டுச் சென்ற நூல்களின் உபதேசங்கள்.         

சவரத்தின் பலன் 

"தூக்கம் விரணம் தொடைவலி சூலங்காசந்

தற்கால சாந்தஞ் சவரத்தால் மிக்குடற்க்குச்  

சாந்தி மனப் பூரிப்பு கண்ணொளிரு காமமுமாஞ் 

சேர்ந்ததிங்க ளுக்கிரண்டாந் தேர்"

இன்றைய பதிவில் அளவுக்கு மீறி சிரைத்து விட்டோம் இனி நாளும் கோளும் பதிவை அடுத்த பதிவில் புது பொலிவுடன், புத்தாடையுடன் தொடர்வோம். இந்த நாளும் கோளும் கட்டுரையின் இறுதி பாகம் சிரோரத்தினமான ஒரு கால கணிதத்தைப் பற்றிய அறிமுகம் உங்களுக்காக காத்துள்ளது.  

நாளும் கோளும் பகுதி - 4 

விரைவில் 

கோளும் நாளும் PART - II

கோளும் நாளும் 

பகுதி - 2

கடந்த பதிவில் நாள்களின் பொது பலனும், விருந்துண்ண ஏற்ற நாளைப்பற்றியும் பார்த்தோம். இந்த பதிவில் நாள்களின் விசேஷங்களைத் தொடர்வோம். கோளும் நாளும் தொடர் நான் செய்த plan படி 5 அல்லது 6 பகுதிகளாக பிரித்துப் போடலாம் என்று முடிவெடுத்துள்ளேன். பதிவின் இறுதியில் ஒரு FANTASTIC ஆன காலகணித முறையையும் அறிமுகப்படுத்த உள்ளேன்.    

கடந்து சென்ற GENERATION இல் நம் அப்பா அம்மா தாத்தா பாட்டி ஆகிய அனைவரும் மாதத்திற்க்கு ஒருமுறை அல்லது இருமுறை எண்ணெய் ஸ்நானம் (OIL BATHING) எடுக்கும் பழக்கத்தை வழக்கமாக கொண்டிருந்தனர். ஆனால் நம் GENERATION இல் இந்த பழக்கம் ஆறு மாதத்திற்கு ஒருமுறை அல்லது வருடத்திற்கு ஒருமுறை என்று, எண்ணெய் தேய்த்து குளிக்கும் பழக்கம் குறைந்து விட்டது.

இன்றெல்லாம் SHAMPOO மட்டுமே தலைக்கு தேய்த்து குளிக்கிறார்கள். அதுவும் எண்ணெய் ஸ்நானம் இல்லை, வெறும் தலைக்கு SHAMPOO, அதுவும் ஒருசிலர் தினமும் இதை வாடிக்கையாக பயன்படுத்துகின்றனர். அப்படி என்ன எண்ணெய் ஸ்நானத்திற்கு முக்கியத்துவம் கொடுக்க வேண்டுமா? என்று கேள்வி எழுப்பும் MODERN YOUNGSTER களுக்கு இந்த எண்ணெய் ஸ்நானம் பற்றி அறிய வாய்ப்பு இல்லை தான். அதின் முக்கியத்துவமும் அதில் சம்பந்தமான கோள் (நவகிரகங்கள்) நிலையும் இந்த பதிவு நன்கு விளக்கும் என்று நம்புகிறேன்.      

  

எண்ணெய் தேய்த்து தலை மூழ்குவது பற்றி சித்த, ஆயுர்வேத சாத்திரங்கள் "நோய்களிடமிருந்து மனிதன் கவசம் போட்டுக்கொள்வதற்கு ஒப்பானது" என்று கூறுகிறது. வாரத்திற்கு ஒருமுறையேனும் அல்லது மாதத்திற்கு இரண்டு முறையேனும் புதன் மற்றும் சனிக்கிழமை களில் எண்ணெய் ஸ்நானம் செய்துவந்தால்  ஆயுள் கூடும், எந்த பிணியும் வராமல் உடலை பாதுகாக்கும் காரணம், "எண்சான் உடலுக்கு பிரதானம் சிரசே ஆகும்" சிரசில் உள்ள சுரப்பிகளே மனிதனின் உடல்நிலை, மனநிலை ஆகியவற்றை நிர்ணயிக்கின்றன. இந்த சுரப்பிகள் நல்ல நிலையில் இருக்க வேண்டும் எனில் எண்ணெய் ஸ்நானம் தவிர வேறு வழியில்லை, எனவே அகத்தியர், தேரையர், பாம்பாட்டி சித்தர், தன்வந்திரி போன்றோர் தைல வருக்கச் சுருக்கம் என்ற தனி நூலையே படைத்துள்ளனர். அதுபோக சுசுருத சம்கிதையில் - அத்யாயம் 24 இல் - உடலில் எண்ணெய் தேய்த்து குளிப்பதால் மேன்மை உண்டாகும், கப வாத நோய்கள் நீங்கும், தாதுக்கள் வலிமை பெரும், உடல் நிறமும் பொலிவும் பெரும், உடல் உஷ்ணம் நீங்கும், அழுகிய விந்து சுரோணிதங்கள் தூய்மை பெரும், உடல் இணைப்புகள் திடப்படும், சிரைகளின் முகம் மயிர்க்கால்கள் தமனிகள் முதலியவற்றின் வழியாக உடலை தணிவு பெறச் செய்து உடலுக்கு வலிமை தரும். 

வேரில் நீர் பாய்ச்சுவதால் மரம் எவ்வாறு முளைவிட்டு துளிர்த்து  வளர்கிறதோ அதைப் போல எண்ணெய் தேய்த்துக் குளிப்பதால் தாதுக்கள் நன்கு வளரும். 

இந்த எண்ணெய் ஸ்நானம் கண்டிப்பாக சாத்திரத்தில் கூறப்பட்டுள்ள நாளில் மட்டுமே எடுக்க வேண்டும். புதன்கிழமை மற்றும் சனிக்கிழமை. இதை கீழுள்ள பாடல்கள் மூலம் அறியலாம்.

"அருக்கன் எண்ணெய் அழகு அழிக்கும் 

     அணியாம் திங்கள் ஆகாது 

திருக்காஞ் செவ்வாய் உயிர் போக்கும்

     செய்ய புதர்க்குப் பொருளுண்டாம் 

கருத்தை அழிக்கும் கவின் வியாழன் 

     கைப்பொருள் போக்கும் கன வெள்ளி 

பெருக்க முண்டாம் சனிஎண்ணை 

     பேணி முழுக வல்லாரே" 

ஞாயிறு - உடலில் அழகு குறையும் 

திங்கள் - ஆகாது 

செவ்வாய் - உயிர் போக்கும் அளவுக்கு உடலில் நோயுண்டாம் 

புதன் - செல்வமுண்டாகும் 

வியாழன் - மனம் பாதிப்பு ஏற்படலாம் 

வெள்ளி - செல்வம் நீங்கும் 

சனிக்கிழமை - உடல் ஆரோக்யம் பெரும் 

  

சனீஸ்வரர் நவகிரகங்களில் மிகுந்த நேர்மையான குணமும், சிவபக்தியும் உடையவர் அதனால்தான் தன் பேருடன் "ஈஸ்வரன்" பட்டத்தை சேர்த்துக்கொள்ளும் வரத்தைப் பெற்றார். நாம் செய்த பாவங்களுக்கு சற்றும் இரக்கம் காட்டாமல் தண்டிப்பது இவர் இறைவனிடம் பெற்ற ஐந்தொழில். இந்த தொழிலை இவருக்கு இறைவன் கொடுக்க காரணம் இவரின் நேர்மையான குணம்.  அதனால் தான் கிரகங்கள் அனைவரும் தங்கள் காரகங்களுக்கு ஏற்றார் போல் போகங்களையும் சுகங்களையும் அள்ளி அள்ளிக் கொடுத்தாலும் இவர் சோதனைகளையும் கஷ்டங்களையுமே அள்ளி கொடுப்பார். அதே நேரத்தில் பல நல்லவைகளையும் மறக்காமல் செய்வார். இவரின் பாதிப்பு யாரையும் விடாது எடுத்துக்காட்டாக விநாயகர், ஆஞ்சநேயர் போன்ற தெய்வங்களும் நலன், விக்ரமாதித்தன் போன்ற மன்னர்களும் கூட 7 1/2 வருடங்கள் கடந்தார்கள். இவரின் பாதிப்புகள் விநாயகர், ஆஞ்சநேயர் போன்ற தெய்வங்களை எதுவும் செய்ய முடியவில்லை ஆனால் நம் போன்ற மக்கள் எப்படி தப்பிப்பார்கள். இதற்காக பல சிவபூஜைகள், விரதங்கள் போன்றவை சாத்திரங்களில் காட்டினாலும் அதில் இந்த எண்ணெய் ஸ்நானமும் ஒன்று.

      

ஆம் பொதுவாக எண்ணெய் ஸ்நானத்திற்க்கு எள் எண்ணெயே பயன்படுத்துமாறு சாத்திரங்கள் அறிவுறுத்துகின்றன. எள் சனீஸ்வர பகவானுக்கு ஏற்றது பிடித்தது இது உஷ்ண குணமுடையது. இந்த எள்ளை ஆட்டி அதில் கிடைக்கும் எள்எண்ணெய் (நல்லெண்ணெய்) குளிர்ச்சி செய்வது. எந்த ஒரு தெய்வமும் பொதுவாக குளிர்ச்சியடைந்தால் தான் நன்மை செய்வார்கள். 

இந்த உடலுக்கு உயிர், நரம்பு மண்டலம், நாக்கு, பிடரி போன்ற இடங்களுக்கு காரகனாக விளங்கும் சனீஸ்வர பகவான் தனக்கு பிடித்த எள்ளிலிருந்து எடுத்த எண்ணெயை தன் நாளில் (சனிக்கிழமை) நல்லெண்ணெய் தேய்த்து முழுக தான் ஆதிக்கம் பெற்ற நரம்பு மண்டலம், மனம் போன்றவற்றை வலிமை அடையச்செய்கிறார் ஆயுள் வளரச் செய்கிறார். தன்னால் வரும் பாதிப்புகளை குறைத்துக் கொள்கிறார்.  இந்த காரணத்தால் தான் "சனி நீராடு" என்று கூறுகிறார்கள்.  

சனீஸ்வர பகவானின் பாதிப்புகளை பொதுவாக குறைக்கச் செய்பவர் புதன். எனவே புதனும் எண்ணெய் ஸ்நானத்திற்கு ஏற்ற நாளாக குறிப்பிடப்படுகிறது. NUMEROLOGY யிலும் கூட சனீஸ்வர ஆதிக்கம் பெற்ற நம்பர் 8 ஆல் வரும் தோஷங்களை புதன் நம்பர் 5 குறைக்கும் என்று கூறுகிறார்கள்.   

எனவே அறிவும் உண்மையும் பெற்ற நாமும் இந்த எண்ணெய் குளியலுக்கு திரும்புவோம். சாத்திரங்களில் பல உண்மை பொய் கலந்தே தோன்றியுள்ளது காரணம் அதை இயற்றிய ஆசிரியர்களும் பல மாயை மயக்கத்தில் இருந்ததுதான் காரணம். உண்மையான காரணங்கள் உள்ள சாத்திர அறிவுரைகளை விலக்காது ஏற்றுக் கொள்வதும் விட்டுவிடுவதும் அவரவர் பக்குவமே. 

  

இது முடியவில்லை, புதன் சனிக்கிழமை தவிர ஜோதிட கணிதாமிர்தம் இன்னும் சில கட்டுப்பாடுகளையும் விதிக்கிறது. அது 

"கற்பினால் மூன்றிலெண்ணெய் கடி மணம் சிரார்த்தம் போக்கு 

வற்புறு பிணிமருந்து மயிர் வினை மருவலாகா 

விரிப்புகள் விற்புகல் உழுதல் விற்றல் விருந்துண்ணல் வழங்கல் செய்தல் 

பொற்பணி மகுட ஆடை புனைதலும் புகலுமாதே"

பொருள் : ஜாதகன் பிறந்த ஜென்ம வாரம், திதி, நட்சத்திரம் (தான் பிறந்த வாரம், திதி, நட்சத்திரம்) நாட்கள் வரின் அந்த நாட்களில் எண்ணெய் குளியல், கல்யாணம் செய்வது, சிரார்த்தம்(திவசம்) கொடுப்பது, வியாதிக்கு மருந்துண்பது, ஷவரம் செய்து கொள்வது, மனைவியுடன் சேர்வது போன்றவை கூடாது.       

வியாபாரம் செய்ய தொடங்கலாம், பூமியில் உழுதல் செய்யலாம், புது ஆடை ஆபரணம் அணியலாம், தான தர்மம் செய்ய இதர்க்கு மேற்கண்ட நாள் தடை இல்லை. என்பது ஜோதிட கணிதாமிர்தத்தின் கருத்து.    

எண்ணெய் குளியலுக்கு இந்த சட்டம் பொருந்தியுள்ளது. இந்த நாளை இந்த தொழில் செய்ய என்ற இந்த சட்ட திட்டங்களை மதிக்காதவன் எவ்வாறு பாதிப்பான் என்றும் கூறுகிறார்கள்.       

"இத்தினம் கவனியாதோர் இகத்தினில் துன்பமுற்று 

எத்ததியும் கஷ்டத்தால் ஏங்கியே துயரடைந்து 

சுத்தமில்லாமல் நாளும் சுகமின்றி கவலையாலே 

சித்தமும் கலங்கி நாட்டில் திகைத்து அலைந்திடுவர் தானே"

ஜோதிடகணிதாமிர்தம்  

      

எனவே நாளும் கோளும் பார்த்து பணிகளைச் செய்.

                       

மேற்கண்ட சரியான நாட்களில் எண்ணெய் குளியல் மேற்கொள்ள விரும்புகிறவர்கள் காலை 6 மணிக்கு தலை உச்சி முதல் உள்ளங்கால் வரை நல்லெண்ணெய் பூசிக்கொண்டு ஒருமணி நேரம் கழித்து அரப்பு அல்லது சிகைக்காய் அல்லது பச்சைப்பயறு மாவு ஏதேனும் ஒன்றை எடுத்து சுடுநீரில் நன்கு தேய்த்து குளிக்கவும். முதலில் மேற்சொன்ன ஏதேனும் ஒரு மாவை பயன்படுத்தி எண்ணெய் பசை முழுவதும் போக குளித்து விட்டு பின் சோப்பு போட்டும் குளித்துக்கொள்ளலாம். OIL BATH எடுத்த அன்று பகலில் கண்டிப்பாக தூங்க கூடாது, இரவில் கண்டிப்பாக கண்விழிக்கவோ புணர்ச்சியோ கூடாது. அந்த நாள் முழுவதும் பால், தயிர், மோர், நெய் இவற்றை உணவில் இருந்து விலக்கவும். வெய்யிலில் அதிகம் நடக்கவும் அலையவும் கூடாது (இந்த ஒரு நாள் மட்டுமே இந்த பத்தியம்) பத்தியம் மீறினால் தலைநோவு வரும். சரியான முறையில் எண்ணெய் ஸ்நானம் எடுப்பவனை நமன் (எமன்) நெருங்க மாட்டார்.         

இந்த கட்டுரையை படித்து இதனால் பயன்பெறும் நபர் ஒருவராக இருந்தாலும், அந்த பயன் அடையும் அந்த நபருக்காக இந்த பதிவை உரித்தாக்குகிறேன். 

வெம்மையிலும் இந்த குளியல் பதிவுகள் தொடரும் 
அடுத்த பதிவு   "கோளும் நாளும் PART - 3" SOON

கோளும் நாளும் PART - 1

கோளும் நாளும் 

பகுதி - 1

நாம் செய்யவில்லை என்றாலும் நாள் செய்யும் என்பார்கள். அதுபோலத்தான் காரியங்கள் ஒரு மனிதனின் வாழ்வை நேரமும் காலமும் மாற்றி அமைக்கிறது. இந்திந்த நேரத்தில் இந்த காரியங்களைச் செய்யலாம், செய்ய வேண்டாம் என சாத்திரங்களில் பல கட்டுப்பாடுகளும், நிபந்தனைகளும் உள்ளது. இது ஜோதிட சாத்திரத்தின் கீழ்வருகிறது. இந்த நேர காலங்களைப் பற்றி பகுதி பகுதியாய் அலசிப்பார்ப்போம்.   

கிழமைகளின் விசேஷம் 

ஜோதிட கணிதாமிர்தம் என்ற நூலில் 

"பருதியில் உத்தியோகம் மதி விதை விதைக்க 

பகரு குஜன் போர்செய்ய புதன் வித்யாரம்பம் 

குரு விவாகஞ் செய்ய புகர் மயிர் கழிக்க 

குற்றமில்லா சனிக்கிழமை தவஞ் செய்ய 

கருதிய நல்லுத்தமம் என்றே அவனியோர்கள் 

கண்டுணர்ந்த பலன் நடக்கும் என முன்னோர்கள் 

கருதி இனிது உரைத்த விதங் கவனித்து  ஓர்ந்து 

சொல்லுவீர் ஜாதகர்க்கு பலனைத் தானே "

பொருள் : 

ஞாயிற்றுக்கிழமை - உத்தியோகம் செய்ய ஆரம்பிக்கவும் 

திங்கள்கிழமை - விதை விதைக்கவும் 

செவ்வாய்க்கிழமை - போர் செய்ய தொடங்கவும் 

புதன்கிழமை - கல்வி கற்க ஆரம்பிக்கவும் 

வியாழக்கிழமை - திருமணம் செய்யவும் 

வெள்ளிக்கிழமை - முடி திருத்திக்கொள்ளவும் 

சனிக்கிழமை - தவம், தியானம், யோக பயிற்ச்சிகள் செய்ய ஆரம்பிக்கவும் 

பொருத்தமான நாள்கள் என சாத்திரம் கூறுகிறது. இதில் சில விகற்பங்களும் உள்ளது அதைப்பற்றி "கோளும் நாளும்" கட்டுரையின் இறுதியில் காண்போம்.    

"இவ்விதமே ஒவ்வொரு கிழமைகளுக்கும் 

இசைந்த படியே சுபகாரியங்கள் செய்ய 

எவ்விதமும் நலமாகும் மாநிலத்தோர்

எடுத்த காரியமெல்லாம் ஜெயமே ஆகும் 

ஒவ்வியே எந்தெந்த காரியஞ் செய்தாலும் 

ஒற்றுமையாய் சகல காரியமும் நன்றாய் 

அவ்வவ்விதமான வாரந் தன்னில் 

ஆகுமென முன்னோர் சொல் வாக்கியமே"

இதற்க்கு பொருள் சொல்ல அவசியமில்லை. இந்த பாடல் எளிதில் அனைவருக்கும் பொருள் தெரியும் படியாக அமைந்துள்ளது.  

பல CONTENTS இந்த "கோளும் நாளும்" பகுதியில் உள்ளதால் இதை ஒரே பதிவாக தராமல் தனித்தனியாக பிரித்து பதிவிடுகிறேன்.  

விருந்துண்பதற்கு உரிய நாள்கள் 

கல்யாணம் ஆன புதுமண தம்பதிகள், நெடும்காலமாக நண்பர்களாக இருந்தவர்கள் வீட்டிற்கு விருந்துக்காக அழைப்பது, காதுகுத்து, குலதெய்வ வழிபாடு, சொந்த பந்தங்கள் போன்ற எந்த காரணத்திற்காகவும் வீட்டிற்க்கு வரும் உறவுகளுக்கு முதன்முதலில் விருந்து உணவு கொடுக்க சாத்திரத்தில் நாள் குறிப்பிடப்பட்டுள்ளது. இதன் படி முதல் விருந்தை ஆரம்பிக்க அந்த உறவுகளும், நட்புகளும் ஆயுள் முழுவதும் தொடரும்.

   

   

"வெள்ளி சனி திங்கள் விருந்துண்ண புதனுமாம் 

கள்ள வியாழன் கசப்பிக்கும் கொள்ள கதிர் 

தீராப் பகை காட்டும் செவ்வாய் தனக்குமே 

வாராப் பகையும் வரும்"

பொருள் : மேற்கண்ட காரணத்தினால் ஒருவருக்கு விருந்து கொடுக்க முற்பட்டால் அவ்விருந்தை வெள்ளிக்கிழமை, சனிக்கிழமை, திங்கள்கிழமை கொடுக்க உறவு உத்தமம், புதன்கிழமையும் விருந்து கொடுக்க ஆகும். வியாழன் குருவினுடைய நாள் என்றாலும் இந்த நாள் விருந்து கொடுக்க உறவும், நட்பும் விரிசலடையும் (கசப்பிக்கும்). 

ஞாயிற்றுக்கிழமை விருந்து கொடுக்க உறவும், நட்பும் தீரா பகை கொள்ளும். இந்த காலகட்டத்தில் 95% மக்கள் விருந்துண்ண ஞாயிற்றுக்கிழமையையே தேர்ந்தெடுக்கிறார்கள். காரணம் அன்று தான் அனைவருக்கும் விடுமுறை நாள், ஆனால் விருந்துண்ண ஆபத்தான நாளாகவும் ஜோதிட கணித்தமிர்த சாத்திரம் கூறுகிறது. எனவே இனி இதன் மேல் நம்பிக்கை கொள்பவர்கள் இந்த ஞாயிற்றுக்கிழமையை விருந்துண்ண விலக்கவும்.

செவ்வாய் கிழமை  விருந்து கொடுக்க உறவும், நட்பும் தீராத பகை கொள்ளுமாம் எனவே இந்த நாள் மற்ற எல்லா நாளைக் காட்டிலும் விருந்து கொடுக்க ஆபத்தான நாளாக உள்ளது.

நாளையும் கோளையும் மதிப்பவர்களுக்கும்,  நம்புகிறவர்களுக்கும்  இந்த பதிவு சமர்ப்பணம்.

இனி விருந்தை பசியோடும் அறிவோடும் சேர்த்துண்போம் 

"கோளும் நாளும்"

அடுத்த பதிவு - 2 

விரைவில் 

  

நீ அம்மா பையனா❓ அப்பா பையனா❓

நீ அம்மா பையனா❓ அப்பா பையனா❓

YOU ARE FATHER CHILD OR MOTHER CHILD 

ஒவ்வொருவர் வாழ்விலும் இதைப்போல் ஒரு கேள்வி எழும். ஆம். குழந்தையாக இருக்கும் போது அப்பா அம்மாவுக்கு நடுவில் படுத்துக்கொண்டு கொஞ்சி குலாவுதலும், குறும்பாக அப்பா அம்மா கேட்கும் கேள்விக்கு மழலையாய் பதில் சொல்லுதலும். அப்படி எழும் கேள்விகளில் கண்டிப்பாக இந்த கேள்வி இடம் பெறும். 

தங்கம் நீ அப்பா பையனா அம்மா பையனா ?    

செல்லம் நீ அப்பா பொண்ணா அம்மா பொண்ணா ?    

என்று, அந்த கேள்விக்கு குழந்தை நேரத்தை பொருத்து நான் அப்பா பொண்னு; நான் அம்மா பையன் என்றும், சில குழந்தைகள் புத்திசாலித்தனமாக நான் அம்மா அப்பா பையன் என்று இருவரையும் சேர்த்துக்கொள்ளும்.    

உண்மையாக இந்த கேள்வியை கூர்ந்து நோக்கினால் ஒரு மனிதன் குழந்தையாய் பிறக்கும் போது அவன் தன் தாயை போல் இருக்கிறானா அல்லது அவன் தன் தந்தையைப் போல் இருக்கிறானா என்று கேட்டால் அவன் முக சாடையை வைத்து கூறுவார்கள். அது உண்மை தானா ?

இந்த படத்தில் அப்பா குழந்தையாய் இருந்தபோது அவர் முகம் போலவே அவரின் குழந்தையும் உள்ளது. இது போன்றொரு உதாரணம். கண்கள், உடலின் நிறம், எடை, முடி ஆகியவற்றை பார்த்தும் குழந்தை அம்மா போல் அல்லது அப்பா போல் உள்ளது என்று தீர்மானிப்பார்கள்.  

இன்று ஒரு குழந்தை எந்த அப்பா அம்மாவுக்கு பிறந்தது என்று கண்டறிய DNA TEST உள்ளது ஆனால் அந்த குழந்தை யாரை போல் உள்ளது என்று கூற முடியுமா ? அப்படியெனில் ஒரு குழந்தையின் உடல் மற்றும் ஆன்மாவை தீர்மானிக்க இருவரும் (அப்பா, அம்மா) சம பங்களிப்பு கொடுத்துள்ளார்களா ?

இதே கேள்வியை முற்றும் துறந்த ஞானிகளிடம் கேட்டால் அல்லது சித்தர்களிடம் கேட்டால் அவர்கள் பதில் என்னவாக இருக்கும்....... 

ஆம் 

தாய் தந்தை இருவரின் விந்து நாத சக்தி, நேரம் காலம், தாய் தந்தை இருவரின் பூர்வ புண்ணியம், குழந்தையாய் பிறக்கப்போகும் ஆன்மாவின் பூர்வ புண்ணியம், இவர்கள் செய்த தர்மம் பக்தி என பல விஷயங்களை கணக்கில் வைத்துத் தான் அந்த குழந்தை பிறக்கும். இந்த குழந்தை எடுக்கும் பஞ்ச பூத உடலுக்கு அப்பா அம்மா 100 % பங்களிக்கிறார்கள். ஆனால் இந்த குழந்தை அனுபவிக்கும் சுகபோகங்கள், கஷ்டநஷ்டங்கள் அனைத்தும் மேற்குறிப்பிட்டுள்ளவாறு அமைய நவகிரகங்கள் செயலாற்றுகிறார்கள்.

அப்பா அம்மாவின் பங்களிப்பு  

"நாடியும் நாளமும் நவில இள எலும்பும் 

வெள்ளை நீரும் வெள்ளிய பற்களும் 

தலைமயிர் நகமும் தந்தையின் கூறாம்"

பொருள் 

நாடி - நரம்பு மண்டலம் ( NERVE )

நாளமும் - ரத்த குழாய்கள் ( BLOOD DUCT )

எலும்பு - BONES

வெள்ளை நீரும் - SEMEN 

பற்கள் - TEETH 

தலைமயிர் - HAIR 

நகம் - NAILS 

இவை அனைத்தும் தந்தையின் கூறாக குழந்தைக்கு கிடைப்பது. அந்த குழந்தை பெண்ணாக இருந்தாலும் சரி, ஆணாக இருந்தாலும் சரி இந்த குறிப்பிட்ட உடல் பாகங்கள் ( HUMAN ORGANS ) தந்தையையிடம் இருந்து குழந்தைக்கு கிடைப்பது.   

"சிறிய குடலும் சிகப்பு நீரும் 

மருவிய கொழுப்பும் மன்னும் ஈரலும் 

நுவல் நுரை ஈரலும் நோக்குமிதயமும் 

தசையும் நிணமும் தாயின் கூறாம்"

பொருள் 

சிறிய குடல் - INTENSTINE 

சிகப்பு நீர் - BLOOD 

கொழுப்பு (நிணம்) - FAT ( CHOLESTEROL )

மன்னும் ஈரலும் - மண்ணீரல் - SPLEEN  

நுரையீரல் - LUNGS 

இதயம் - HEART 

தசை - MUSCLES

  

இவை அனைத்தும் தாயின் கூறாக குழந்தைக்கு கிடைப்பது. அந்த குழந்தை பெண்ணாக இருந்தாலும் சரி, ஆணாக இருந்தாலும் சரி இந்த குறிப்பிட்ட உடல் பாகங்கள் ( HUMAN ORGANS ) தாயிடம் இருந்து குழந்தைக்கு கிடைப்பது.   

குழந்தையின் உயிர்நிலை 

"அறிவும் ஆக்கமும் ஆழ்ந்த நோக்கமும் 

இன்பமும் துன்பமும் இனிய வாழ்க்கையும் 

உயிரின் குணமென உரைப்பர் நூல் வல்லோர்"

பொருள் 

பிறக்கப்போகும் குழந்தை எத்தகைய அறிவுடைமை உள்ளது, அதன் நோக்கம் எதாவது நிலையை அடையும் முயற்ச்சி, ஆக்கம் (செல்வம்), இன்பம் துன்பம் ஆகிய அனைத்தும் அந்த குழந்தையின் பூர்வ ஜென்மத்தில் பெற்றுவந்துள்ள பாவ புண்ணியத்தை பொறுத்துத்தான் அமையும். அவ்வாறாக இருக்கத்தான் நவகிரகங்கள் இறைவனால் படைக்கப்பட்டு செயலாற்றுகின்றனர்.  

  

குழந்தையின் உணவால் பெறும் அமைப்பு  

"உடலின் அமைப்பும் ஒள்ளிய நிறமும் 

ஆடலும் ஆண்மையும் அமைந்த நிலையும் 

நாணமும் மடமும் நானற் கொள்கையும் 

உணவின் சாரமென் உரைத்தனர் நூலோர்"

பொருள் 

உடல் அமைப்பு (BODY WEIGHT AND SHAPE), நிறம், சுறுசுறுப்பு, ஆண்தன்மை (TESTOSTERONE), பெண்தன்மை (PROSTEROGEN), அழகு இவையனைத்தும் உணவின் அடிப்படையில் மனிதன் வடிவாகிறான்.       

இவ்வாறாக உணவை அடிப்படையாகக் கொண்டும் மனிதன் வடிவமைப்பைப் பெறுகிறான்.

குழந்தை உருவாகும் காலநிலை 

இன்னும் சில உதாரணங்களை மட்டும் இங்கு எடுத்துக்காட்டுகிறேன். 

( LITTLE-BIT REFERENCES ) 

அப்பா அம்மா ஒன்று சேர்ந்த காலத்தைப் பொருத்தும் குழந்தை வடிவமைப்பை பெறுகிறது. சாந்தி முகூர்த்தம் என பெரியவர்கள் குறித்து கொடுக்கும் நேர காலங்களை இங்கு நான் குறிப்பிடவில்லை. இது சற்று புதிய விஷயம்.

திருமூலர் அருளிய பாடல்கள் 

கர்பத் திருமந்திரம் 

"ஆண்மிகினாணாம் பெண்மிகிற் பெண்ணும் 

பூணு மிரண்டொன்றிப் பொருந்தி லலியாகும் 

தான் மிகவாகிற் தரணி முழுதாளும்

பான்மை மிகுந்திடிற் பாய்ந்தது மில்லையே "

   

பொருள் : ஆண், பெண் சங்கமத்தில் சுக்கிலம் மிகுதியானால் ஆணாகவும், சுரோணிதம் மிகுதியானால் பெண்ணாகவும், இரண்டும் சமமானால் அலியாகவும், சுக்கிலம் அளவுக்கு மீறி இருந்தால் பிறக்கும் குழந்தை பூமியை ஆளும், சுரோணிதம் அளவுக்கு மீறி இருந்தால் கரு உற்பத்தியாகமாட்டாது என்கிறார் திருமூலர் பெருமான்.      

( சித்தர்களின் சாத்திரத்தைப் பொறுத்தவரை மலடு என்பது பெண்களில் 10% மட்டுமே, ஆண்களில் 90% என்று கூறுகிறார்கள், ஒரு பெண்மணிக்கு குழந்தை பாக்கியம் இல்லை என்றால் அதற்க்கு 90% காரணம் அவள் கணவன் மட்டுமே. இது அனைவருக்கும் பொருந்தும் )

கர்பத் திருமந்திரம் 

"மாதாவுதரம் மலமிகின் மந்தனாம் 

மாதாவுதரஞ் சலமிகி லூமையாம் 

மாதாவுதரத் திரண் டொக்கிற் கண்ணில்லை 

மாதாவுதரத்தின் வந்த குழவிக்கே"  

பொருள் : ஆண், பெண் சங்கம காலத்தில் தாயின் வயிற்றில் மலம் மிகுதியாய் இருந்தால் பிறக்கும் குழந்தை மந்தனாக (சோம்பேறியாக) பிறப்பான், தாயின் வயிற்றில் சிறுநீர் மிகுதியாய் இருந்தால் பிறக்கும் குழந்தை ஊமையாகும், தாயின் வயிற்றில் மலம் மற்றும் சிறுநீர் ஒரே அளவில் மிகுதியாய் இருந்தால் பிறக்கும் குழந்தைக்கு கண்ணில்லாத குருடாய் பிறக்கும். இது தாயின் நிலைக்கு மட்டுமே பொருந்தும்.    

கர்பத் திருமந்திரம் 

"பாய்கின்ற வாயு குறுகிற் குள்ளனாம் 

பாய்கின்ற வாயு வளையின் முடமாகும் 

பாய்கின்ற வாயு நடுப்படிற் கூனாகும் 

பாய்கின்ற வாயு மாதர்க் கிலை பார்க்கிலே"

பொருள் : ஆண், பெண் சங்கம காலத்தில் தகப்பனின் சுக்கிலத்தில் உள்ள வாயு குறுகினால் அச்சிசு குட்டையாக பிறப்பான். சுக்கிலத்தில் உள்ள வாயு வளையுமாகில் குழந்தை கை அல்லது கால் முடமாக பிறக்கும். சுக்கிலத்தில் உள்ள வாயு நடுவிற் பிளவுபடுமானால் குழந்தை கூன் முதுகு உடையவனாக பிறக்கும். இது பெற்றோரில் பெண்ணுக்கு பார்க்க வேண்டிய அவசியம் இல்லை. இந்நிலை தந்தையின் உடலின் வாயு நிலை பொறுத்தே குழந்தை அமையும்.   

  

இதற்குமேல் வேண்டாம் என்று. பிறக்கும் குழந்தையின் அமைப்பு விதத்தை இத்துடன் முடித்துக் கொள்கிறேன். இன்னும் இதை ஆராய்ந்தால் இது தொடர்ந்து சென்று கொண்டே இருக்கும். இந்த SCIENCE சித்தர்களால் போதிக்கப்பட்டது. நோய்க்கான சிறு மூலிகை மட்டும் பற்றி அவர்கள் எழுதவில்லை. HUMAN ANATOMY, PHYSIOLOGY, PATHOLOGY, MATERIA MEDICA ECT....ECT...  என பல பிரிவுகளில் தங்கள் அறிவை போதித்தது மட்டும் இல்லாமல் இதனால் தமிழையும் வளர்த்துள்ளனர். தமிழ் மருத்துவத்தால் எதையும் விளக்கி கூற முடியாது என்று எந்த MODERN MEDICAL SCIENCE -ம் கூறிவிட முடியாது. நம் மருத்துவத்தை அழித்தால் மட்டுமே ஆங்கில மருத்துவம் நிலைநாட்ட முடியும் என்று இவை போன்ற செய்திகளை அடுத்த தலைமுறைக்கு தெரிய வொட்டாமல் மறைந்திருக்கலாம். வெளிவராத 1000 ற்கும் மேற்பட்ட வைத்திய முறைகளும், சித்த வைத்திய அறுவை சிகிச்சை முறைகளும் மண்ணுக்குள் புதைந்து கிடக்கிறது.  

  

    

இந்த பதிவை அறிவுடை நிலையாக எடுத்துக்கொண்டாலும் சரி, பாலியல் கல்வியாக எடுத்துக்கொண்டாலும் சரி இந்த பதிவு முழுவதும் சித்தர்களின் குரலே அன்றி என் சொந்த வார்த்தைகள் எதுவும் இல்லை. வாசகர்களின் கருத்துக்கு முரணாகவோ அல்லது பிடிக்காமலோ இருந்தால் என்னை குறைகூற வேண்டாம். 

இறைவன் என்னை நன்றாகப் படைத்தான் 

தன்னை நன்றாக தமிழ் செய்யும்மாரே 

-----  திருமூலர்  -----

நல்லதோர் வீணை செய்தே 

அதை நலங்கெடப் புழுதியில் எறிவதுண்டோ? 

சொல்லடி சிவசக்தி 

என்னைச் சுடர்மிகும் அறிவுடன் படைத்துவிட்டாய். 

வல்லமை தாராயோ, இந்த மாநிலம் பயனுற வாழ்வதற்கே ?

--- பாரதி ---

நன்றி 

சுவாரஸ்யம் தொடரும் .........................